- Нацртај едно коковче! - вели Лидија и Зоки Поки пак црта. Нацртај му и пиленце!Иако вети, Лидија никогаш навистина не го избриша тој цртеш од ѕидот на нашата зграда. Вистина, еднаш дојде кај мене со канта вар и рече да го премачкам ѕидот. За да не негодувам, ми понуди пиво после завршената работа. Јас се сложив и го варосав ѕидот трошејќи подеднакво вар како на него така и на моите алишта. И штом ѕидот се засуши таа на неко нацрта постар човек како критикува две мали дечиња поради тоа што цртале на ѕидот на зградата.
Така и коковчето и пиленцето остануваат на ѕидот, а Зоки и Лидија продолжуваат да шеткаат.
- Ајде сега нацртај тркалца, тркалца... многу тркалца.
И Зоки пак се завртува кон ѕидот и со своето јагленче црта многу, многу тркалца.
Набргу потоа почнавме да ја освежуваме фасадата на други згради. Веќе сме екипа. Јас се грижам за сите материјали што се потребни. Толе, кога е тука, најчесто чува стража. А Лидија, Лидија црта. Вчера ја разубавивме најгрдата нова дивоградба (знаете која е де!) во градот. Лидија нацрта пожар на фасадата и под него со ситни букви ја допиша легендарната реченица која добро лежи на секој ѕид. Сигурно сте ја виделе на повеќе места:
Градот убав пак ќе никне! - Пиколомини
Лидија навистина има дарба. Се разбира тоа не е многу важно ако ги прашате мајка ѝ и татко ѝ. Како што често бива, таа мораше да се запише на Правниот факултет. Единствено место каде што може да црта таму се маргините на дебелите и досадни книги и тоа за време на досадните предавања на дебелите професори.
Време е за нов графит!
1 коментар:
[url=http://wmtraffs.ru/]WMTraffs.ru[/url] - заработай деньги, продавая банерный трафик с нашей партнёрке
Сайт WMTraffs.ru предоставляет Вам способ заработать на любой интернет-ссылке, без своего сайта. Такженаша партнерская программа предоставляет выкуп трафика с сайтов сети интернет технологий popunder, clickunder, растяжка в шапке, обычные баннера.
Објави коментар